Bhí an Chomhairle Mhúinteoireachta ina hóstach ar Chomhdháil don Uachtaránacht AE dar teideal "Comhtháthú, Nuáil agus Feabhsúchán - Féiniúlacht Ghairmiúil na nOideoirí Múinteoirí" ar an 18 agus an 19 Feabhra 2013.
Is é Coimisiún AE a mhaoinigh an chomhdháil seo mar chuid d'Uachtaránacht AE na hÉireann. Is féidir tuilleadh eolais ar Uachtaránacht na hÉireann a fháil ar www.eu2013.ie
Tuigtear i mBallstáit AE agus i gCoimisiún AE go gcuireann oideoirí múínteoirí ardcháilíochta go mór le cáilíocht tríd is tríd na gcóras oideachais. Tugtar le fios chomh maith i dtaighde acadúil agus in obair phiarfhoghlama gur chóir a bheith níos soiléire faoi na beartais a chuireann bonn faoi roghnú, ionducthú agus forbairt ghairmiúil bhreise na n-oideoirí múínteoirí.
Is iad an tAire Oideachais agus Scileanna, Ruairí Quinn, TD, Aire Oideachais Thuaisceart Éireann, John O'Dowd, CTR, agus Leas-Ardstiúrthóir Oideachais agus Cultúir an Choimisiúin Eorpaigh, Xavier Prats-Monné, a d'oscail an chomhdháil a bhí ar siúl i gCaisleán Bhaile Átha Cliath. D'fhreastail daoine a bhfuil baint acu le hoideachas múinteoirí ar fud AE ar an gcomhdháil.
Féach ar rogha grianghraf ón gcomhdháil trí chliceáil anseo nó ar cheann de na mionsamhlacha anseo thíos.
