Droichead is ea creatlach ionduchtúcháin ghairmiúil chomhtháite do mhúinteoirí nuacháilithe.
Rinneadh Droichead a dhearadh i gcomhar leis an ngairm chun tábhacht an ionduchtúcháin do mhúinteoirí nua a léiriú nuair a chuirtear fáilte rompu go foirmiúil isteach sa ghairm is tábhachtaí sa tsochaí. Tá sé bunaithe ar an bprionsabal gurb é an dream is fearr le tabhairt faoin bhfáilte ghairmiúil seo ná na comhghleacaithe a bhfuil eolas ábhartha agus mion den teagasc agus foghlaim acu ina scoileanna faoiseach.
In Droichead , aithnítear éifeachtacht na gclár athchoincheaptha den oideachas tosaigh múinteoirí agus go háirithe an socrúchán scoile breisithe, agus na múinteoirí faoi oiliúint á n-ullmhú go gairmiúil. Tógann sé ar an gcéim sin, mar an pointe tosaigh sna réimsí don fhoghlaim bhreise a d’aithin an MNC i gcomhar leis an Institiúid Ardoideachais mar chuid den taithí socrúcháin scoile. Ag an am céanna, aithnítear ann gur céim ar leith é an t-ionduchtú den leanúntas oideachas múinteoirí, próiseas um shóisialú in gairm na múinteoireachta. San áireamh sa chreatlach chomhtháite seo tá gníomhaíochtaí scoil bhunaithe agus foghlama gairmiúla breise chun tabhairt faoi riachtanais na múinteoirí agus iad ag tosú ina ngairmeacha.
DEEPEN (Droichead: Exploring and Eliciting Perspectives, Experiences and Narratives)
San Fhómhar in 2018, choimisiúnaigh Institiúid Oideachais Marino agus Coláiste na Tríonóide, Baile Átha Cliath, le taighde a dhéanamh ar eispéiris múinteoirí le Droichead, an chreatlach ionduchtaithe ghairmiúil do mhúinteoirí. Sa tionscadal taighde seo, déanfar iniúchadh ar réimse topaicí éagsúla, lena n-áirítear róil agus freagrachtaí na ndaoine atá i mbun phróiseas Droichead agus ag tacú leis, acmhainní agus tacaíochtaí a chur ar fáil don phróiseas, éifeacht Droichead ar chultúr na scoile, gus na naisc idir próiseas Droichead agus oideachas tosaigh múinteoirí. Díreofar go háirithe ar scoileanna beaga, Gaeilscoileanna, scoileanna DEIS (Comhionannas Deiseanna sna Scoileanna a Sheachadadh), agus suíomhanna oideachais speisialta. Táthar ag súil go mbeidh sé curtha i gcrích faoin bhFómhar in 2021 agus go rachaidh sé i bhfeidhm ar athbhreithniú na Comhairle ar pholasaithe.
Is féidir tuilleadh a fháil amach faoin tionscadal agus bheith rannpháirteach sa chomhrá @DEEPEN_Project ar Twitter, nó tabhair cuairt ar an suíomh gréasáin anseo.
Tá an tuairisc DEEPEN ar fáil ar an suíomh
anseo.
