Ceisteanna Coitianta

Tá raon idirghabhálacha á thabhairt isteach ag an gComhairle Mhúinteoireachta chun tacú leis an múinteoireacht agus le pobail scoileanna agus iad ag ullmhú don athoscailt ó Lúnasa 2020 ar aghaidh (féach anseo). Baineann na bearta sin leis an gcur chuige ginearálta d’athoscailt scoileanna atá á chomhordú ag an Roinn Oideachais i gcomhar le páirtithe leasmhara san oideachas.

Maidir leis na bearta atá á dtabhairt isteach ag an gComhairle Mhúinteoireachta, beifear ag díriú ar sholáthar múinteoirí breise a bheith ar fáil chun róil mhaoirseachta agus ionadaíochta a líonadh, mar thacaíocht d’athoscailt na scoileanna don téarma acadúil 2020/21.

Tá rialacháin déanta ag an gComhairle Mhúinteoireachta, le toiliú an Aire Oideachais, a cheadóidh do mhúinteoirí a cháiligh mar mhúinteoirí lasmuigh den Stát, ach nach bhfuil na riachtanais ionduchtúcháin curtha i gcrích acu, iarratas clárúcháin a dhéanamh chun na Comhairle Múinteoireachta ar bhonn eisceachtúil aonuaire, agus a n-ionduchtúchán a chur i gcrích i scoil in Éirinn.

Tá 106,000 múinteoir cláraithe leis an gComhairle Mhúinteoireachta. Meastar go bhfuil suas le 6,000 de na múinteoirí sin nach bhfuil lánfhostaithe i scoileanna (e.g. atá ag obair go páirtaimseartha, ar shos gairme, a chuaigh ar scor le deireanas etc.) agus b’fhéidir go mbeidís ar fáil i gcomhair ionadaíochta agus maoirseachta. Déanfaidh an Chomhairle Mhúinteoireachta teagmháil dhíreach leis an ngrúpa sin i dtaobh féidearthachtaí, á mholadh dóibh a bheith rannpháirteach agus tacú le hathoscailt na scoileanna.

Chuaigh an Chomhairle Mhúinteoireachta i gcomhairle leis na hInstitiúidí Ard-Oideachais (IAO) freisin féachaint le córas a aimsiú faoina bhféadfadh mic léinn sa dara bliain den mháistreacht ghairmiúil le hoideachas iar-bhunscoile (MGO/PME) atá cláraithe cheana féin, ach faoi bhealach éagsúil, a bheith ar fáil do na scoileanna mar acmhainn bhreise le haghaidh dualgas maoirseachta agus ionadaíochta, ar tuarastal. Cumasóidh na IAOnna an méid sin i slite nuálacha, trí athrú a dhéanamh ar na tráthanna a thugtar cúrsaí agus ranganna teagaisc do mhúinteoirí faoi oiliúint, mar shampla, agus cúrsaí a thabhairt ar líne.

Tá na hollscoileanna agus na coláistí a chuireann Máistreacht Ghairmiúil le hOideachas (MGO) ar fáil sa chlár oideachais tosaigh múinteoirí tar éis an tslí a dtugtar na cúrsaí sin a dhéanamh níos solúbtha, ionas go mbeidh am breise ag múinteoirí cláraithe ar socrúchán scoile i gcomhair maoirseachta agus ionadaíochta, de bhreis ar a n-uaireanta socrúcháin.

Cláraíonn an Chomhairle múinteoirí a fhaigheann céim sa samhradh, gach bliain, le mearchóras clárúcháin tosaíochta, tar éis do na boird scrúduithe sna IAOnna torthaí na bliana deiridh a aistriú go dtí an Chomhairle, má tugadh an cead sin.

Mar gheall ar an moill ar na boird scrúduithe i mbliana agus mar gur tuigeadh go bhféadfadh fadhbanna eile a bheith ann le sriantachtaí Covid-19, tá córas ar líne forbartha ag an gComhairle agus á chur i bhfeidhm. A luaithe a aistreofar na torthaí, eiseoidh an Chomhairle ríomhphost chuig na múinteoirí ábhartha ina mbeidh na treoracha iomchuí. Beifear ag iarraidh ar MNCanna na treoracha sin a leanúint. Is fiú a nótáil gur féidir an grinnfhiosrú a bheith déanta sula bhfaighfear na torthaí, agus moltar do gach múinteoir atá le céim a fháil an próiseas sin a chur i gcrích gan mhoill. Chun dlús a chur leis na hiarratais ghrinnfhiosrúcháin, féadfaidh múinteoirí atá le céim a fháil na cáipéisí a theastaíonn don ghrinnfhiosrú a sheoladh sa ríomhphost, cóip scanáilte den fhoirm toilithe agus í sínithe san áireamh.

Múinteoirí a cháiligh in Éirinn

Féadfaidh iarratasóirí a cháiligh in Éirinn, nach céimithe nua iad, agus atá ag iarraidh tosú ag múineadh nó filleadh ar an múinteoireacht i ndiaidh tréimhse asláithreachta (sos gairme, mar shampla), féadfaidh siad iarratas clárúcháin a dhéanamh chun na Comhairle Múinteoireachta. Cliceáil ar an nasc thíos, le do thoil, i gcomhair sonraí breise:

https://www.teachingcouncil.ie/ga/Claruchan/Conas-Claru-/Cailithe-in-Eirinn/

Múinteoirí a Cháiligh lasmuigh d’Éirinn (ionduchtúchán curtha i gcrích)

Tá na múinteoirí láncháilithe a cháiligh lasmuigh de Phoblacht na hÉireann i dteideal iarratas a dhéanamh chun clárú leis an gComhairle Mhúinteoireachta. Cliceáil ar an nasc thíos le do thoil, i gcomhair sonraí breise:

https://www.teachingcouncil.ie/ga/Claruchan/Conas-Claru-/Cailithe-Lasmuigh-d%C2%B4Eirinn-Ionduchtuchan-Curtha-i-gCrich-/

Múinteoirí a Cháiligh lasmuigh d’Éirinn (Níor cuireadh ionduchtúchán i gcrích)

Maidir leis na múinteoirí a cháiligh lasmuigh d’Éirinn ach nach bhfuil an tréimhse riachtanach ionduchtúcháin curtha i gcrích acu sa tír inar cháiligh siad, tá siad i dteideal iarratas a dhéanamh chun clárú leis an gComhairle Mhúinteoireachta ar bhonn eisceachtúil aonuaire. Cuirfear tús le hiarratais Dé Luain 10 Lúnasa agus féadfar iad a sheoladh go dtí 5pm an 30 Deireadh Fómhair 2020. Cliceáil ar an nasc thíos, le do thoil, i gcomhair sonraí breise:

https://www.teachingcouncil.ie/ga/Claruchan/Conas-Claru-/Cailithe-Lasmuigh-d%C2%B4Eirinn-Nior-cuireadh-ionduchtuchan-i-gcrich-/

Múinteoirí Nua-Cháilithe (MNCanna) in Éirinn

Cliceáil ar an nasc thíos le do thoil, i gcomhair sonraí breise:

https://www.teachingcouncil.ie/ga/Claruchan/Conas-Claru-/Chailiochtai/MNCanna-in-Eirinn/Muinteoiri-Nua-chailithe-MNCanna-in-Eirinn.html

Cén chaoi a bhfaighidh mé Grinnfhiosrúchán an Gharda Síochána?

Téann an Chomhairle Mhúinteoireachta i gcomhairle leis an mBiúró Náisiúnta Grinnfhiosrúcháin thar ceann na múinteoirí in Éirinn maidir le nochtaí á léiriú sa taifead coiriúil. Bí cúramach i mbun gach céim a leagtar amach sa nasc thíos le do thoil, ionas go ndéanfar an t-iarratas a phróiseáil gan dua. Ní féidir an clárú a chur i gcrích gan grinnfhiosrú a bheith faighte tríd an gComhairle Mhúinteoireachta. Ní leor grinnfhiosrú tríú páirtí.

https://www.teachingcouncil.ie/ga/Grinnfhiosru-/Treoir-chun-iarratas-a-dheanamh-ar-Ghrinnfhiosruchan/

Iarradh ar mhúinteoirí a bhfuil céim le bronnadh orthu próiseas ghrinnfhiosrúcháin an Gharda Síochána a thosú leis an gComhairle Mhúinteoireachta agus iarratas ar chlárú a sheoladh láithreach bonn in éineacht leis na cáipéisí ábhartha. Is fiú a nótáil, i gcás na múinteoirí a bhí cláraithe leis an gComhairle Mhúinteoireachta cheana, go bhféadfar na cáipéisí don ghrinnfhiosrú, mar aon le cóip scanáilte den fhoirm toilithe agus í sínithe, a sheoladh sa ríomhphost.

Déanann an Chomhairle Mhúinteoireachta múinteoirí a chlárú ionas go mbeidh siad in ann cur isteach ar phost múinteoireachta a luaithe a bheidh an clárú agus an grinnfhiosrú curtha i gcrích.

Is iad bainistíocht na scoileanna agus a bhforais phátrúnachta ábhartha a bheidh ag earcú múinteoirí agus á bhfostú mar is gnách, faoi réir na ngnáthphróiseas riachtanach clárúcháin agus grinnfhiosrúcháin, i gcomhréir le rialacháin na Comhairle Múinteoireachta maidir le caighdeáin ghairmiúla..

Aon mhúinteoirí a chláraíonn leis an gComhairle Mhúinteoireachta agus a bheadh ar fáil do phoist ionadaíochta, iarrtar orthu clárú leis an tairseach Sub Seeker (á hóstáil ar www.educationposts.ie) agus a chur in iúl go bhfuil siad ar fáil.

Maidir le haon duine atá ag smaoineamh ar an múinteoireacht mar ghairm nó ar a bheith ag obair mar mhúinteoir in Éirinn, gheofar breis eolais (maidir le hearcú agus cúrsaí tuarastail freisin) ar an suíomh gréasáin Teaching Transforms.

Cuideoidh na naisc/suíomhanna gréasáin seo a leanas leat freisin agus fostaíocht á lorg agat. Níl liosta uileghabhálach é áfach: