Céim 1
- Comhlánaigh Céim 1 den iarratas grinnfhiosrúcháin ar líne trí do chuntas Mo Chlárú.
- Tá 180 lá agat le Céim a chríochnú. Mura gcríochnaíonn tú Céim taobh istigh de 180 lá, rachaidh sé in éag agus beidh ort tús a chur leis an bpróiseas arís.
- Uaslódáil cruthúnas de cháipéisí aitheantais.
Má bhí tú i do chónaí lasmuigh d’Éirinn nó de Thuaisceart Éireann ar feadh tréimhse charnach de 12 mhí nó níos mó tar éis 18 mbliana d’aois, beidh ort fótachóip a chur ar fáil de d’imréiteach póilíneachta do gach tír ina raibh tú i do chónaí.
Céim 2
Seiceálann an Chomhairle Mhúinteoireachta d’iarratas agus cruthúnas de cháipéisí aitheantais agus cuireann siad d’iarratas isteach go dtí an Biúró Náisiúnta Grinnfhiosrúcháin.
- Gheobhaidh tú ríomhphost ón mBiúró Náisiúnta Grinnfhiosrúcháin le nasc díreach chuig an bhFoirm Iarratais ar Ghrinnfhiosrúchán ar líne.
- Ní mór duit an fhoirm a líonadh amach agus do sheoltaí go léir a chur san áireamh ó bhreith go dtí an lá atá inniu ann, lena n-áirítear gach seoladh thar lear ina raibh tú i do chónaí.
Beidh 30 lá agat chun an fhoirm a chríochnú ón dáta a fhaigheann tú í, ach iarraimid ort í a dhéanamh chomh luath agus is féidir.
Má bhí tú i do chónaí i dTuaisceart Éireann, beidh ort postchóid iomlána (sé charachtar) a chur isteach do gach seoladh de chuid Thuaisceart Éireann ina raibh tú i do chónaí.
Nuair a bheidh an grinnfhiosrúchán críochnaithe, gheobhaidh tú dhá ríomhphost.
- Beidh an chéad ríomhphost ón mBiúró Náisiúnta Grinnfhiosrúcháin ina gcuirfear in iúl duit gur eisíodh do nochtadh grinnfhiosrúcháin chuig an gComhairle Mhúinteoireachta.
- Beidh an dara ríomhphost ón gComhairle Mhúinteoireachta ina mbeidh nasc chuig do nochtadh grinnfhiosrúcháin.
Conas rochtain a fháil ar do nochtadh grinnfhiosrúcháin
Chun rochtain a fháil ar do nochtadh grinnfhiosrúcháin, beidh ort logáil isteach nó cuntas a chruthú le Digitary chun féachaint ar do nochtadh.
Le do thoil, léigh ár leathanach ar Digitary chun tuilleadh eolais a fháil.
Conas nochtadh grinnfhiosrúcháin a roinnt le fostóir
Beidh tú in ann do nochtadh a roinnt le fostóirí nó le fostóirí a d’fhéadfadh a bheith agat ar líne ag baint úsáid as Digitary. Logáil isteach i do chuntas Digitary agus lean na treoracha le do nochtadh a roinnt.
Iarratas grinnfhiosrúcháin Céim 1 a rianú leis an gComhairle Mhúinteoireachta?
Seiceáil stádas d’iarratas grinnfhiosrúcháin Céim 1 trí do chuntas Mo Chlárú.
- Logáil isteach ar do chuntas Mo Chlárú.
- Nuair a bheidh tú logáilte isteach go rathúil ar do chuntas Mo Chlárú, cliceáil isteach sa tíl/íocón GRINNFHIOSRÚ ar an scáileán.
- Déan tagairt don mír ‘Iarratas Grinnfhiosrúcháin Reatha’.
Anseo is féidir leat stádas Chéim 1 de d’iarratas ghrinnfhiosrúcháin a sheiceáil.
Stádas Céim 2 grinnfhiosrúcháin a sheiceáil leis an mBiúró Náisiúnta Grinnfhiosrúcháin
Múinteoirí a rinne iarratas grinnfhiosrúcháin le deireanaí
Chun do stádas Grinnfhiosrúcháin a sheiceáil, logáil isteach ar shuíomh gréasáin an Bhiúró Náisiúnta Grinnfhiosrúcháin.
Beidh an uimhir iarratais grinnfhiosrúcháin nó ID an iarratais a fuair tú i ríomhphost uainn de dhíth ort agus d’iarratas á chomhlánú agat.
D’eisigh an Chomhairle Mhúinteoireachta fógra le deireanaí chuig líon mór múinteoirí atá le hath-ghrinnfhiosrú. Leis an lear mór iarratas atá ag teacht isteach, seans go nglacfaidh sé níos faide ná an ghnáth-thréimhse cúig lá chun na hiarratais a phróiseáil.