Cad atá i gceist le clárú le coinníoll?
Deonófar clárú le coinníoll(acha) duit mura bhfuil ceanglais chlárúcháin uile na Comhairle comhlíonta ag d’iarratas.
Sa chás seo, míneoimid:
- Cad iad na coinníollacha
- Cad is gá duitse a dhéanamh chun iad a chomhlíonadh
- An fráma ama faoina gcaithfear iad a chomhlíonadh.
Déantar na coinníollacha a thaifeadadh ar an gClár agus ar do litir um Chlárú Coinníollach.
Mura gcomhlíonann tú na coinníollacha go léir laistigh den tréimhse agus mura ndeonaítear síneadh ama duit, rachaidh do chlárú i léig.
Coinníollacha cleachtais ghairmiúil iarcháilíochta
Droichead
Is é Droichead an próiseas ionduchtaithe le haghaidh múinteoirí nuacháilithe (MNCanna) agus múinteoirí nach bhfuil an tréimhse riachtanach cleachtais gairmiúil críochnaithe acu roimhe seo.
Iarratas ar shíneadh a chur le tréimhse chlárúcháin choinníollaigh
Mura bhfuil tú in ann na ceanglais maidir le coinníoll clárúcháin a chomhlánú laistigh den tréimhse, is féidir leat iarratas a dhéanamh chuig an gComhairle ar shíneadh.
Scrúdú Staire & Struchtúir (S&S)
Mar mhúinteoir iar-bhunscoile a bhfuil oideachas múinteora faighte agat lasmuigh de Phoblacht na hÉireann, ní mór duit eolas a fháil ar stair agus struchtúr chóras oideachais na hÉireann sular féidir leat clárú go hiomlán.
Clárúchán iomlán a dheonú do mhúinteoirí ar phromhadh i suíomh srianta
Más múinteoir thú ar phromhadh i suíomh srianta, d’fhéadfá a bheith i dteideal iarratas a dhéanamh ar chlárú iomlán san earnáil sin faoi réir critéir áirithe.
Clár Ceardlainne Ionduchtúcháin (bunscoil agus iar-bhunscoil)
Ní mór duit an Clár Ceardlainne Ionduchtúcháin a chomhlánú má chríochnaigh tú: Droichead roimh an 01 Meán Fómhair 2013 (Droichead Píolótach), nó na próisis thraidisiúnta Promhaidh nó FIC ach tá coinníoll Chlár Ceardlainne Ionduchtúcháin fós ann.
Ag comhlánú do phromhaidh
Ó mhí Mheán Fómhair 2020 i leith is é Droichead an t-aon bhealach ionduchtaithe do gach MNC bunscoile. Níl próiseas traidisiúnta an phromhaidh ar fáil a thuilleadh.
Fostaíocht iarcháilíochta (FIC)
Más múinteoir iar-bhunscoile thú a cláraíodh roimh an 1 Meitheamh 2020, d’fhéadfadh fostaíocht iarcháilíochta (FIC) a bheith ina rogha i gcúinsí teoranta.
Riachtanas na Gaeilge (RG)
Mar mhúinteoir bunscoile a bhfuil clár oideachais múinteoirí déanta acu lasmuigh de Phoblacht na hÉireann, baineann coinníoll Riachtanas na Gaeilge (RG) le do chlárú de ghnáth.
Easnaimh Cháilíochta (EC)
Má tá tú láncháilithe mar mhúinteoir lasmuigh de Phoblacht na hÉireann ach nach bhfuil na cáilíochtaí riachtanacha le haghaidh clárúcháin i bPoblacht na hÉireann agat, d’fhéadfá a bheith cláraithe ar an gcoinníoll go gceartóidh tú an t-easnamh laistigh de thréimhse shonraithe. De ghnáth ní bhíonn an tréimhse seo níos mó ná trí bliana ó dháta an chláraithe.
Ionduchtú Thar Lear
Más amhlaidh gur chríochnaigh tú próiseas ionduchtúcháin foirmiúil atá aitheanta ag an stát i dtír eile, ní mór duit iarratas a chur isteach chuig an gComhairle Mhúinteoireachta ar mheasúnú a dhéanamh ar an bpróiseas sin chun incháilitheacht a chinneadh maidir le haitheantas a fháil i bPoblacht na hÉireann.