An chéad rogha ná chun gnáthchéim Bhaitsiléara ar Leibhéal 8 ar an CNC a chur i gcrích ag a bhfuil ualú creidmheasa ECTS de 180 creidiúint ar a laghad, nó gnáthchéim Bhaitsiléara ar Leibhéal 7 ar an CNC a chur i gcrích ag a bhfuil ualú creidmheasa ECTS de 180 creidiúint ar a laghad, agus fianaise a thabhairt d’aon cheann díobh seo:
a) cáilíocht bhreise chuí, nó b) taithí trí bliana ar a laghad in ionad oibre nó i suíomh teagaisc atá ábhartha le do cháilíocht.
D’fhéadfadh iarratasóirí a chomhlíonann riachtanais na céime a bheith incháilithe le haghaidh clárúcháin ar bhonn coinníollach ar feadh tréimhse trí bliana agus le linn an ama sin ní mór dóibh cáilíocht oideachais múinteoirí iarchéime creidiúnaithe a bhaint amach.
An dara rogha atá ann ná cáilíocht oideachais múinteoirí ceithre bliana sa Bhreisoideachas a bhaint amach, atá creidiúnaithe ag an gComhairle Mhúinteoireachta. Tá na céimeanna seo á dtairiscint ag OCBÁC agus Ollscoil Teicneolaíochta an Oirdheiscirt (OTO) faoi láthair agus liostaítear iad ar leathanach 3.
An dá rogha atá ar fáil
Rogha 1:
- Céim ar leibhéal 8 le 180 ECTS nó níos mó* NÓ céim ar leibhéal 7 le 180 ECTS nó níos mó, agus aon cheann acu seo cáilíocht bhreise chuí NÓ taithí trí bliana in ionad oibre nó i suíomh teagaisc atá ábhartha don cháilíocht/do na cáilíochtaí.
- Cáilíocht Oideachais Múinteoirí a chur i gcrích (féach leathanach 3).
- Clárú Iomlán leis an gComhairle Mhúinteoireachta.
*D’fhéadfadh iarratasóirí a chomhlíonann riachtanais na céime a bheith incháilithe le haghaidh clárúcháin ar bhonn coinníollach ar feadh tréimhse trí bliana agus le linn an ama sin ní mór dóibh cáilíocht oideachais múinteoirí iarchéime creidiúnaithe a bhaint amach.
Rogha 2:
- Clár oideachais múinteoirí creidiúnaithe ceithre bliana a chur i gcrích á dtairiscint faoi láthair ag OCBÁC agus OTO (féach leathanach 3).
- Clárú Iomlán leis an gComhairle Mhúinteoireachta.
Cláir chreidiúna cáilíocht oideachais múinteoirí (breisoideachas)
Ollscoil Chathair Bhaile Átha Cliath
Institiúid Oideachais Marino
Coláiste Mhuire gan Smál (Luimneach)
Ollscoil Mhá Nuad
Coláiste Náisiúnta na hÉireann
Ollscoil Teicneolaíochta an Oirdheiscirt
Coláiste na hOllscoile Corcaigh
Pointí ar gá machnamh a dhéanamh orthu
- Déan cinnte suíomh gréasáin gach soláthraí a sheiceáil chun a bpróiseas iarratais a thuiscint.
- Mar is amhlaidh le gach cúrsa, ní mór duit na riachtanais iontrála ar fad atá leagtha síos ag an soláthraí a chomhlíonadh i do bhliain iontrála. Sula gcuireann tú iarratas isteach, déan cinnte an liosta iomlán de na riachtanais iontrála a sheiceáil, mar go bhféadfaidís a bheith éagsúil idir na soláthraithe.
Is clár maoinithe é an Clár le haghaidh Rochtana ar an Ardoideachas (CRA) a dearadh chun tacú le agus rochtain mhéadaithe a thabhairt ar chláir oiliúna tosaigh múinteoirí a sholáthar do ghrúpaí áirithe daoine. Chun tuilleadh eolais a fháil, féach www.studentfinance.ie.
Cén áit ar féidir liom fostaíocht a lorg?
Tá sonraí faoi mhúinteoirí a earcú agus a fhostú le fáil ar shuíomh gréasáin na Roinne Oideachais agus Óige: www.gov.ie/TeachingTransforms
Cén áit ar féidir liom teacht ar thuilleadh eolais?
Cuireann an Roinn Breisoideachais agus Ardoideachais, Taighde, Nuálaíochta agus Eolaíochta faisnéis úsáideach ar fáil ar a suíomh gréasáin. Féach www.gov.ie
Bainistíonn SOLAS raon clár Breisoideachais agus Oiliúna a chuireann ar chumas foghlaimeoirí a bheith rathúil sa mhargadh saothair agus rath a bheith orthu sa tsochaí. Féach www.solas.ie
Soláthraítear faisnéis maidir le clárú ar shuíomh gréasáin na Comhairle Múinteoireachta. Féach www.teachingcouncil.ie
Freastalaíonn foireann na Comhairle Múinteoireachta agus na Roinne Oideachais go rialta ar aontaí gairme i gcoláistí agus in ollscoileanna. Coinnigh súil ar leathanaigh shóisialta le haghaidh nuashonruithe ar imeachtaí: @teachingcouncil / @Education_Ire
Is féidir leat dul i dteagmháil leis an gComhairle Mhúinteoireachta trí ríomhphost a sheoladh chuig info@teachingcouncil.ie nó glaoch a chur ar 01 651 7900.