Céard í an fhreagracht atá ar fhostóirí scoile maidir le nochtadh grinnfhiosrúcháin a fháil ón mBiúró Náisiúnta Grinnfhiosrúcháin nuair a fhostaítear múinteoir den chéad uair?
Mar fhostóir scoile, ní féidir leat duine a fhostú go dtí go bhfuair tú nochtadh grinnfhiosrúcháin ón mBiúró Náisiúnta Grinnfhiosrúcháin don duine sin.
Ní mór don mhúinteoir logáil isteach ina chuntas Mo Chlárú chun an comhad a roinnt leat agus cloí leis an dlí.
Is ceanglas é seo faoi Alt 12 de na hAchtanna um an mBiúró Náisiúnta Grinnfhiosrúcháin (Leanaí agus Daoine Soghonta), 2012 go 2016.
Tá roinnt eisceachtaí teoranta don riachtanas seo leagtha amach i gCiorclán 0031/2016 na Roinne Oideachais agus Scileanna (ROS).
Céard é ról na Comhairle Múinteoireachta i ndáil le nochtadh grinnfhiosrúcháin an Bhiúró Náisiúnta Grinnfhiosrúcháin i leith múinteoirí a sholáthar?
is í an Chomhairle Mhúinteoireachta ‘an eagraíocht iomchuí’ a ghníomhaíonn thar ceann fostóirí scoileanna aitheanta chun críocha an ghrinnfhiosrúcháin a dhéanann an Biúró Náisiúnta Grinnfhiosrúcháin i ndáil le múinteoirí.
Tá sé seo faoi Alt 8 de na hAchtanna um an mBiúró Náisiúnta Grinnfhiosrúcháin, 2012go 2016.
An féidir leis an scoil/bhfostóir nochtadh grinnfhiosrúcháin nua a iarraidh?
Is féidir.
Is féidir leat nochtadh grinnfhiosrúcháin uasdátaithe a lorg má mheasann tú gur gá sin i dtaca le dearcadh cleachtais stuama de. I gcás den sórt sin, iarrfaidh an scoil ar an múinteoir iarratas a dhéanamh tríd an gComhairle Mhúinteoireachta ar nochtadh cothrom le dáta.