Conas a bheith i do mhúinteoir

Labhair muid le múinteoirí faoi thábhacht na héagsúlachta sa seomra ranga agus an fáth go bhfuil an infheictheacht tuillte ag cách.

[Ceol]

Ntube Ntoko (Múinteoir faoi oiliúint, iar-bhunscoil):

Go bunúsach bhí mé ag déanamh cúrsa cnáimhseachais in Institiúid an Chabháin agus ansin nuair a tháinig an múinteoir matamaitice isteach ba gheall gur las mé suas agus gach rud ag teacht ar ais chugam ón uair a bhí mé ar ais sa scoil, bhí gach rud an-éasca agus dúirt mé liom féin gur mhó an scleondair a bhí orm le bheith ag déanamh matamaitice ná altranais, agus gurbh léir go raibh an rud mícheart ar bun agam.

[Ceol]

Is dóigh liom gur chreid mo mhúinteoirí ionam i gcónaí agus go ndúirt siad i gcónaí go raibh an cumas uile agam. Fiú nuair a bhíodh frustrachas orm bhíodh siad a rá “Tusa atá ann, Ntube!” “Is féidir leat é seo a dhéanamh” mar sin, mar gheall ar an gcreideamh sin ionam, chreid mé ionam féin.

Nuair a shiúlaim isteach sa scoil agus nuair a fheiceann tú mac léinn ón Afraic, féachann siad ort agus déanann siad a gcinn a chlaonadh i do threo. Sa chlaonadh cinn sin, níl a fhios agam conas é a mhíniú ach feiceann tú duine atá cosúil leatsa agus déanann tú do cheann féin a chlaonadh fiú mura bhfuil aithne agat orthu.

Fiú amháin le mionlaigh áirithe eile tá forluí ann ar bhealach éigin, a bhaineann le bheith mar chuid de phobal mionlaigh, agus mar sin glacann siad chucu féin thú dá bharr toisc go bhfeiceann siad cosúlachtaí eadrainn.

Is breá liom é i ndáiríre, mar más féidir liom é a dhéanamh is amhlaidh gur féidir leofa. Más féidir liom aon duine a spreagadh chun féachaint ormsa agus a fheiceáil, “Ceart go leor, is féidir liom a bheith cosúil léi” tá cuid de mo phost mar mhúinteoir déanta agam, bhfuil a fhios agat, chun doras eile a oscailt dóibh.

[Ceol]

Baineann claochlú leis an múinteoireacht. Múnlaigh an t-am atá romhainn.