Faoin Acht seo, ní mór do na brústocairí tuairisc a thabhairt ar gach cineál idirghníomhaíochta ábhartha idir comhlachtaí brústocaireachta agus Oifigigh Phoiblí Ainmnithe (DPOanna). Feidhmíonn an Coimisiún um Chaighdeáin in Oifigí Poiblí (SIPO) mar rialtóir brústocaireachta agus d’fhorbair sé Cód Iompair agus bhunaigh sé clár brústocaireachta ar líne. Tá an dá cheann ar fáil ag www.lobbying.ie.
Leagann Cód SIPO síos caighdeáin iompair do dhaoine a bhíonn i mbun gníomhaíochtaí brústocaireachta. Ní mór d’aon pháirtí a bhíonn i mbun gníomhaíochtaí brústocaireachta den sórt sin, lena n-áirítear fostóirí, tríú páirtithe, comhlachtaí ionadaíocha nó abhcóideachta agus daoine aonair araon, aird a thabhairt ar an gCód agus iad i mbun cumarsáide le comhlachtaí poiblí agus oifigigh phoiblí.
Oifigigh Phoiblí Ainmnithe
Ceanglaíonn alt 6(4) den Acht ar gach comhlacht poiblí liosta d’oifigigh phoiblí ainmnithe an chomhlachta a fhoilsiú. Tá dhá aidhm leis an liosta:
- Chun ligean don phobal na daoine sin atá ina n-oifigí poiblí ainmnithe a shainaithint; agus
- Mar acmhainn do bhrústocairí a chomhdaíonn tuairisceán ar an gClár a bhféadfadh go mbeadh orthu sonraí oifigeach poiblí ainmnithe a aimsiú
Is iad na hOifigigh Phoiblí Ainmnithe (DPOanna) laistigh den Chomhairle Mhúinteoireachta ná:
| Ról | DPOanna |
|---|---|
|
Stiúrthóir
|
An Dr Lynn Ramsey
|
|
Leas-Stiúrthóir
|
Phil Fox
|
|
Ceannasaí na gCaighdeán Gairmiúla
|
Finola O’Dwyer
|
|
Ceannasaí Beartais agus Cumarsáide
|
Bríd Murphy
|
|
Ceannasaí Clárúcháin
|
Siobhán Healy
|
|
Ceannasaí Airgeadais agus TF
|
Harry McGeary
|
|
Ceannasaí Aitheantais
|
Laura Egan
|
|
Ceannasaí Gnóthaí Corparáideacha agus Acmhainní Daonna
|
Ruth Flynn
|
Grúpaí Oibre atá ag feidhmiú faoin gCód Trédhearcachta
Éilíonn an tAcht um Brústocaireacht a Rialáil freisin go bhfoilseofar faisnéis a bhaineann le haon Ghrúpaí Oibre atá ag feidhmiú faoin gCód Trédhearcachta. Cáilíonn grúpaí dá leithéid, ar a dtugtar “comhlachtaí ábhartha” do chumarsáid dhíolmhaithe ón Acht um Brústocaireacht a Rialáil agus ní mór dóibh a ngníomhaíochtaí a dhéanamh de réir na gcritéar atá leagtha amach sa Chód Trédhearcachta. Ní mór sraith faisnéise a bhaineann le hobair an ghrúpa a fhoilsiú ar shuíomh gréasáin na heagraíochta.
Níl aon Ghrúpaí Oibre i bhfeidhm ag an gComhairle Mhúinteoireachta faoi láthair.