Iarratasóirí atá ag cur isteach ar chlárúchán
Má bhí tú i do chónaí lasmuigh d’Éirinn nó de Thuaisceart Éireann ar feadh tréimhse charnach de 12 mí nó níos mó tar éis duit ocht mbliana déag d’aois a bhaint amach (i.e. nuair a chuireann tú na tréimhsí ama ar fad le chéile, is ionann é agus 12 mí nó níos mó), beidh ort fótachóip a chur ar fáil de d’imréiteach náisiúnta póilíneachta (ní imréiteach stáit) do gach tír ina raibh tú i do chónaí.
Ní mór don dáta a chuirfear ar an imréiteach a bheith laistigh de 6 mhí nó níos lú sula bhfágfaidh tú an tír nó is féidir dáta a chur air am ar bith tar éis duit an tír a fhágáil.
- Is é an t-iarratasóir atá freagrach as deimhniú imréitigh a sholáthar.
- Moltar duit an t-imréiteach a lorg chomh luath agus is féidir mar d’fhéadfadh go dtógfaidh an próiseas seo am.
- Ní féidir d’iarratas ar chlárú a thabhairt chun críche go dtí go bhfaighimid d’imréiteach.
Tuaisceart Éireann
Má chónaigh tú i dTuaisceart Éireann, ní gá duit imréiteach póilíní a sholáthar. Déanann an Biúró Náisiúnta Grinnfhiosrúcháin seiceálacha ar Phoblacht na hÉireann agus ar Thuaisceart Éireann araon.
Múinteoirí cláraithe
Más múinteoir cláraithe tú atá faoi ghrinnfhiosrúcháin le haghaidh fostaíochta nó chun do chlárú a athnuachan (ath-ghrinnfhiosrúchán), ní gá duit imréiteach póilíneachta thar lear a chur ar fáil.
Cúinsí eisceachtúla
Tá iarratasóirí freagrach as teastais imréitigh náisiúnta na bpóilíní a fháil agus ba chóir dóibh gach iarracht a dhéanamh é sin a dhéanamh.
Mura bhfuil nochtadh sásúil ar thaifid choiriúla nó póilíní ar fáil, coimeádaimid an ceart chun Dearbhú Duine Oiriúnach faoi mhionn a lorg uait. Caithfidh aturnae cleachtach nó Coimisinéir Mionnaí an dearbhú a shíniú, a dhátú agus a stampáil.
Seolfaimid Foirm Dhearbhaithe chugat sna cúinsí ach amháin sna cúinsí seo a leanas amháin:
- Tá an tír ábhartha ag cogadh nó ag dul faoi shuaitheadh suntasach
polaitiúil nó - Is eol don Chomhairle Mhúinteoireachta nach bhfuil imréiteach póilíní infhaighte ach ag cónaitheoirí na tíre atá i gceist
Nó, bhí an t-iarratasóir:
- Ag taisteal tríd an tír agus ní raibh aon seoladh seasta aige/aici
- Ina c(h)ónaí sa tír ar feadh tréimhse níos lú ná sé mhí
- Ina c(h)ónaí sa tír breis agus 10 mbliana ó shin
- Ina chónaí sa tír níos mó ná 10 mbliana ó shin agus chuir siad comhfhreagras ar fáil ag cruthú nach féidir imréiteach póilíní a fháil.
Má tá deacrachtaí agat imréiteach póilíní a fháil do thír ar leith, seol ríomhphost le do thoil chuig vetting@teachingcouncil.ie