Foilsithe
Tá iniúchadh déanta ag an bhFiosrúchán Scópála ar Dhrochúsáid Ghnéis Stairiúil ar an méid a tharla do leanaí agus do dhaoine óga i scoileanna lae agus i scoileanna cónaithe a bhí á reáchtáil ag oird reiligiúin idir 1927 agus 2013. Tá torthaí Thuarascáil an Fhiosrúcháin Scópála fairsing agus an-choscrach. Leagann an Fiosrúchán amach eispéiris uafásacha ar mhí-úsáid ghnéasach i scoileanna, agus líomhaintí a bhaineann le múinteoirí agus le baill foirne nach múinteoirí iad.
Is gairm í an mhúinteoireacht atá tógtha ar chaighdeáin ghairmiúla a bhfuil luachanna measa, cúraim, ionracais agus muiníne mar bhonn fúithi. Mar rialtóir ghairm na múinteoireachta, fáiltímid roimh fhógra an Aire Oideachais, Norma Foley maidir le Coimisiún Imscrúdúcháin a bhunú. Féadfaidh an Coimisiún Imscrúdúcháin seo, An Garda Síochána, agus comhlachtaí eile arna sainiú ag an Stát an drochúsáid ghnéasach stairiúil a gcuirtear síos uirthi sa Tuarascáil agus aon choireanna eile a thuairiscítear a imscrúdú.
Is é ról na Comhairle Múinteoireachta gairm na múinteoireachta a chur chun cinn agus a rialú ar mhaithe le leas an phobail. Bunaithe le dlí in 2006, tá freagracht orainn maidir le clárú reachtúil múinteoirí. Tá gach 123,425 múinteoir ar ár gclár cáilithe agus grinnfhiosrúcháin.
Is féidir le baill den phobal clár na Comhairle Múinteoireachta a chuardach le seiceáil an bhfuil múinteoir ar leith cláraithe faoi láthair.
Rialaímid inniúlacht agus iompar múinteoirí agus is féidir linn gearáin a bhreithniú i gcoinne múinteoirí atá cláraithe faoi láthair faoinár bpróiseas um Fheidhmiúlacht chun Múineadh ar cuireadh tús leis an 25 Iúil 2016. Breithnímid gearáin a bhaineann le múinteoirí, seachas le scoileanna.
Is féidir linn gearáin a mheas freisin maidir le teagmhais a bhaineann le múinteoirí cláraithe a tharla roimh an 25 Iúil 2016, más rud é
- go bhfuil an múinteoir cláraithe faoi láthair, agus
- go mbeadh an t-iompar ina chion coiriúil ag an am a tharla sé, agus go mbeadh sé réasúnach ina chúis imní go bhféadfadh an múinteoir cláraithe dochar a dhéanamh do leanbh nó do dhuine soghonta.
Má chruthaítear líomhain, is féidir fionraíocht ar feadh tréimhse ama nó múinteoir a bhaint den chlár a áireamh sna smachtbhannaí.
Pléimid le gach ábhar gearáin go rúnda, go measúil agus go híogair.
Is féidir tuilleadh sonraí ar ár bpróiseas um Fheidhmiúlacht chun Múineadh a fháil ar ár suíomh Gréasáin, lena n-áirítear conas gearán a chur isteach.
Tá tacaíocht dóibh siúd ar fhulaing siad drochúsáid ghnéasach ar fáil ó roinnt gníomhaireachtaí atá liostaithe ar shuíomh Gréasáin an Fhiosrúcháin Scópála.